Bon biní riba MiNegoshi database!
Riba e website aki bo por buska i haña empresanan ku ta forma parti di Empresanan Chikí i Mediano na Kòrsou. Empresanan ku ainda no ta den e database por registrá aki.
Empresanan ku ta miembro di MiNegoshi database tin e siguiente benefisio nan:
- Nan por wòrdu hañá mas fásil
- Mas posibel klientenan
- Mas bishitante riba nan mes website
Ademas, via di nos database di Konseheronan Empresarial bo por drenta den kontakto ku konseheronan i tambe trainernan kalifiká ku por ofresé bo konseho práktiko i tambe training pa yuda bo empresa, riba tópikonan manera merkadeo, atministrashon, digitalisashon i website, re-inventá e struktura di bo empresa, eksportashon di produkto i servisio, asuntunan fiskal (impuesto), konseho finansiero, rekurso humano i inovashon.
Tokante MiNegoshi database
Tur empresario ku bin den kontakto ku Ministerio di Desaroyo Ekonómiko (MEO) di un òf otro manera, via di MiNegoshi database òf via di workshopnan, konferensianan, trainingnan i programanan pa Empresanan Chikí i Mediano, ta bira miembro di e database outomátikamente. E database ta duna MEO un bista mas amplio di e nesesidatnan di e diferente miembronan den e sektor aki, pero tambe e ta yuda MEO pa desaroyá sosten adekuá i programanan di estímulo i tambe pa desaroyá maneho di gobièrnu pa Empresanan Chikí i Mediano. Via di MiNegoshi database MEO ta disponé di e registrashon i atministrashon di dato di diferente empresario na Kòrsou. Tambe empresanan ku ta miembro di MiNegoshi database ta haña mas visibilidat riba Internèt, lokual por hiba na mas kliente.
Manehá bo profil
Despues ku bo a registrá komo empresa òf komo individuo bo ta risibí e datonan via e-mail pa bo por log in. Via di e portal pa log in bo por manehá bo profil di negoshi òf di individuo fásilmente.
MiNegoshi
Bo ta interesá pa kuminsá ku bo mes negoshi? Bishita e website di MiNegoshi pa mas informashon.